الزمن يجري .. والعمر فانٍ
بسم الله الرحمن الرحيم
تدرون ان النسيان افة الانسان
وكلنا ننسى .. لو تسالون اي حد شماكل بارح بيقول مادري
تدرون ليش عاد ؟
عسب الايام تراكظ ونحن مب مستوعبين هالشي
احين من نقول اليوم سبت نفج عين ونصك عين يقولون لنا اليوم يمعه
شقايل ماندري وسرت يوم محاضره صراحه تميت اصيح مناك
كان الشيخ يرمس عن يوم القيامه وشوبيصير
وان الله بيسالنا عن شبابنا وعن وقتنا وكل هاييل نحن محاسبين فيها
انا بالمحاضره قلت لا ياريومه كافيج هبل وسخافه
وطنازه ومقالب للشباب ورفع ظغط البنات
سوي شي عدل .. شي يفيدج .. قلت ببطل سوالفي وجي
بس الله يخليكم من رديت البيت ولاجني سمعت شي او قررت شي
وعسب تتاكدون ان النسيان افه
وان الاسبوع يطوف ابسرعه شوفوا فشلتي بالمدرسه
ويوم رديت البيت فوق فشلتي ونحاستي يايني خبر يهد الروح
بس بعد ماشي فايده فيني .. الشيطان راكبني
في المدرسة :-
ريومة : عفور شوعلينا احينه
عفور : عنا كيميا
ريومة : شووووو ؟
عفور : شبلاج؟
ريومة : اونه كيميا
عفور : طاعي الجدول هاه .. يوم الاربع الحصة الخامسه شو مكتوب ؟
كيميا
ريومة : اي ثلاث اليوم تونا ثلاث تونا من يومين بدا الدوام شبلاج مستعيله
عفور : ريومة حياتي اليوم اربع مب ثلاث شبلاج انتي مدوخه
ريومة : حلفي اليوم اربع مب ثلاث ؟
عفور : والله .. بارح كان ثلاث نحيس عنا فيزيا وخذنا ذاك الدرس الاهبل
ريومة : ابيه صدقج سبحان الله الايام تجري ركيض
في البيت :-
رديت البيت وانا اتافف من هاليوم النحيس ..
كل ايام المدرسه جي اف
دشيت وسرت حجرتي بدلت وصليت الظهر
ونزلت الصاله اتريا ابوي عسب نتغدى واكمل يومي النحيس
ترن ترن .. ترن ترن
هالشيطان الله ياخذه دوم جي يسوي فيني الله يلعنه ان شاء الله
ريومة : ياربي ها تلفون مول مايسكت كل يوم وهو يدق دق ملل والله
ام حمد : شبلاج صوتج واصل لاخر الفريج ..
ريومة : ولاشي بس ها التلفون دومه يرن
ام حمد ماردت عليها وشلت التلفون : هلا والله ام سعيد .. الحمدلله اخبارج ؟ ... شبلاج يالغاليه عسى ماشر ؟..... شووووووووووووووووووووووووووووووووووووووو ؟؟؟؟؟
ريومة صخت من سمعت صوت امها : امايه شمستوي ؟امايه ليش اتصيحين ؟ شسالفه؟
ام حمد : فاطمة بنت خالج عطتج عمرها
ريومة : شوووو؟ فطوم بنت خالتي لمياء؟
ام حمد : هيه ..
ريومة : شقايل ؟ وكيف ؟
ام حمد : وصلها الباص للبيت جن تدعمها سياره
ريومة : حسبي الله على بليسه.. مايشوفون الشارع عدل وعمي شله ان شاء الله
ام حمد : بارح كانت عندنا واليوم محد ؟
ريومة : سبحان الله الايام تجري والساعه جريبه يالله بالغفران
عقب مايه ابويه وتغدينا سرت حجرتي
وتميت افكر والله الايام تراكظ ونحن وين شوسوينا في دنيتنا ولاشي
عقب هالمشهد البسيط
شو تفهمون منه ؟
وشوتستنتجون ؟
0 comment(s) to... “يوميات ريومة”
0 التعليقات:
إرسال تعليق